3-nji aprelde Sony kompaniýasy personal kompýuterler üçin The Last of Us: Part 2 remasterini çykardy. Konsollara çykandan bäş ýyl soň, ony klawiatura we syçan bilen oýnap bolýar.
The Game Awards tarapyndan 2020-nji ýylda iň oňat diýlip atlandyrylan bu oýun indi Steam-de we Epic Games-de elýeterlidir. Onda Elli bilen Joeliň ykbaly, şeýle hem apokaliptikden soňky dünýäde ar almak hyjuwy bilen hereket edýän Elliniň başdan geçirenleri hakda gürrüň berilýär.
Remaster gowulandyrylan grafikany hem-de DLSS we FSR tehnologiýalary üçin goldaw aldy. Şeýle hem, geýmpady kompýuteriňize birikdirmäge mümkinçilik berýän opsiýa goşuldy.
Oýny gurnamak üçin azyndan 16 GB RAM-ly Windows 10, Intel Core i3-8100 ýa-da AMD Ryzen 3 1300X prosessory we GTX 1650 ýa-da Radeon RX 5500 XT wideo kartasy gerek bolar.
Sony garakçylyga garşy goşmaça goragy ornaşdyrmady, şonuň üçin hem goýberilenden 25 minut soň torrent-trekerlerde oýnuň döwlen görnüşi peýda boldy.
