Minecraft oýny esasynda düşürilen film garaşylmadyk ýagdaýda ähli wideooýun ekranlaşdyrmalarynyň arasynda premýera güni kassa ýygymy boýunça rekord goýdy. Bu barada The Wrap portaly habar berýär.
“Minecraft kinoda” atly film penşenbe güni dünýä prokatyna çykdy we ABŞ-da derrew 10,6 mln dollar gazandy. Reliz güni şeýle mukdary wideooýun ekranlaşdyrmalarynyň hiç biri gazanmandy. Öňki rekord “Freddi bilen bäş gije” filmine degişlidi, ol 10,3 mln dollar gazandy.
Şeýle netije analitikleri haýran galdyrdy, sebäbi tankytçylaryň ilkibaşdaky seslenmeleri garyşykdy. Häzir ol 48% derejesinde. Kino synçylary filmiň prokatda şowsuz boljakdygyny çaklady. Ýöne tomaşaçylaryň garaýşy başgaça boldy: Rotten Tomatoes-de tomaşaçylaryň baha bermeleriniň 85%-i oňyn boldy (1000 synyň esasynda).
