NASA 2024 YR4 asterodiniň Aý bilen çaknyşmak ähtimallygy boýunça hasaplamalaryny täzeledi. Töwekgelçilik iki esseden gowrak ýokarlandy we häzir 3,8%-e barabar diýlip, agentligiň saýtynda habar berilýär.
Öň ähtimallyk 1,7% diýlip hasaplanypdy.
Çaklama “Jeýms Uebb” kosmos teleskopyndan we ýerüsti obserwatoriýalardan alnan täze maglumatlaryň esasynda täzelendi. Ähtimallygyň ýokarlanandygyna garamazdan, töwekgelçilik pes bolup galýar: hasaplamalara görä, asteroid 96,2% ähtimallyk bilen Aýyň deňinden uçup geçer.
NASA asteroidiň ululygyna-da gaýtadan seretdi. Indi onuň diametri 53-67 metre deň – bu, takmynan, 10 gatly jaý ýalydyr.
Ýerden 2024 YR4 asteroidine gözegçilik etmek onuň daşlaşýandygy sebäpli eýýäm aprel aýynyň ahyrynda mümkin bolmaz. Mundan beýläkki ylmy gözlegleri “Jeýms Uebb” teleskopy alyp barar.
