Norwiçiň (Norfolk graflygy) golaýyndaky Blofild obasynda ýerli ýaşaýjylar tarapyndan “Angliýada iň gorkunç jaý” diýlip atlandyrylýan jaý ýene-de satlyga çykaryldy. Bu barada Daily Mail habar berýär.
Üç otagly jaý üçin alyjyny tapmaga ilkinji synanyşyk şowsuz boldy – emläk üçin başlangyç baha 275 müň funt sterling derejesinde kesgitlendi. Indi baha 250-275 müň funt sterlinge çenli düşürildi. Täze söwda maý aýynda geçiriler.
Jaýyň fasady gyzyl reňkli iniňi tikeneklediji ýazgylar bilen örtülen, aýnalar bolsa çüýläp ýapylan. Içinde hapa diwarlar, ýyrtyk-ýyrtyk oboýlar, zibil, döwlen mebel we tozan bar. Jaý ençeme ýyllap abatlanmady. Radiatorlar poslap, mebel hem hapalanan.
Energiýa netijeliligine F derejesinde baha berildi, bu bolsa ýylylyk izolýasiýasynyň doly ýoklugyny görkezýär.
Jaý eýýäm ençeme ýyl bäri boş dur. 0,26 akr meýdanly bölegi haşal basyp giden. Agentligiň maglumatlaryna görä, jaý doly derejede gaýtadan dikeltmegi talap edýär we düýpli abatlaýyş işlerine harçlamaga taýýar bolan alyjylar üçin laýyk geler. Şeýle-de, degişli rugsatnamalar bolan ýagdaýynda, gurluşygy giňeltmek ýa-da täzeden meýilnamalaşdyrmak mümkinçiligi hem bar.
