Fox telekanaly meşhur animasion sitkomlary bolan «Simpsonlar», «Griffinler», «Bobyň garbanyşhanasy» we «Amerikan kaka» atly teleseriallaryny dowam etdirmek kararyna geldi. Bu seriallar azyndan ýene dört möwsüm dowam eder diýip, «The Hollywood Reporter» habar berýär.
Bu taslamalar azyndan 2029-njy ýyla çenli ýaýlymda galar:
- «Simpsonlar» (Симпсоны) – 40-njy möwsüme çenli uzaldyldy.
- «Griffinler» (Гриффины) – 27-nji möwsüme çenli uzaldyldy.
- «Bobyň naharhanasy» (Закусочная Боба) – 19-njy möwsüme çenli uzaldyldy.
- «Amerikan kaka» (Американский папаша) – 23-nji möwsüme çenli uzaldyldy (2015-nji ýyldan bäri, bu serial TBS telekanalynda görkezilýärdi, indi bolsa Fox-da görkeziler).
«Täze şertnama bu kult komediýalaryň hemişelik meşhurlygyny, şeýle hem biziň 20th Television Animation-daky dostlarymyz, parlak döredijiler <...> we bu döwrebap klassykanyň arkasynda duran ajaýyp sesler bilen dowam edýän berk, öndürijilikli gatnaşyklarymyzyň nyşanydyr» — diýip, Fox Television Network-yň prezidenti Maýkl Torn düşündirdi.
«Grimsburg» (Гримсбург) we «Beýik demirgazyk» (Великий север) atly multseriallaryň dowam etdirilip-etdirilmejekdigi baradaky karar entek kabul edilmedi.
«Simpsonlar» – hem möwsümleriniň, hem-de bölümleriniň sany boýunça, ABŞ-da iň uzak dowam edýän animasion serial, sitkom we praým-taým serialdyr. Geljekki möwsümler bilen bu taslama 900 bölüme golaýlar. «Simpsonlar» 1989-njy ýyldan bäri Fox telekanalynda görkezilýär. «Time» žurnaly bu serialy 1998-nji ýylda «XX asyryň iň gowy telewizion serialy» diýip atlandyrypdy.
