Apple TV-niň YouTube kanaly Gaý Riçiniň “Baky juwanlygyň çeşmesi” atly täze filminiň treýlerini çykardy.
Filmde baş keşplerde Jon Krasinski (“Ümsüm ýer”), Natali Portman (“Gara guw”, Tor), Eýsa Gonsales (“Körpe sürüji”, “Erkege gelişmejek işleriň ministrligi”) we Donall Glison (Geljekden gelen boýfrend”) çykyş edýär.
Filmde köpden bäri birek-birekden üzňe ýaşaýandyklaryna garamazdan, talaňçylyk etmegiň hatyrasyna bileleşen doganlar hakda gürrüň berilýär. Taryhy giňişleýin bilýändiklerinden peýdalanyp, olar hyýaly Juwanlyk çeşmesini gözleýärler. Bu epiki başdan geçirme olaryň durmuşyny hemişelik üýtgeder we baky ýaşaýşa getirip biler diýip, sinopsisde aýdylýar.
Taslama 2023-nji ýylyň mart aýynda yglan edildi we başda onuň režissýory Dekster Fletçer (“Roketmen”) bolmalydy. Emma 2024-nji ýylyň ýanwar aýynda ol filmi taşlap gitdi we bu iş Gaý Riçä ynanyldy. Şonda hem baş keşpleri Krasinskiniň we Portmanyň ýerine ýetirjekdigi belli boldy. Edebi esasyny Jeýms Wanderbilt (“Zodiak”, “Ak tamyň zabt edilişi”) ýazdy. Film 2024-nji ýylyň fewral aýyndan başlap Bangkokda, Wenada, Kairde, Londonda we Liwerpulda surata düşürildi.
