Dünýäniň iň abraýly fotožurnalistika baýragy bolan World Press Photo-nyň sebitleýin ýeňijileri yglan edildi.
Bäsleşige 141 ýurtdan, takmynan, 3800 suratçy öz işlerini hödürledi. Emin agzalary olardan 6 sebite we 3 kategoriýa bölünen 42 ýeňijini saýladylar: ýekelikdäki surat, reportaž we uzak möhletli taslamalar.
17-nji aprelde esasy baýragyň – «Photo of the Year» baýragynyň eýesi belli bolar.
Şol wagta çenli bolsa, size käbir ýeňijileriň işlerini hödürleýäris (galereýamyza girizilmedik suratlary şu salgydan görüp bilersiňiz).
«Söweş meýdanlary dek zenanlar»
Eritreýa, Efiopiýa we Sudanyň araçäginde düşürilen surat. «Uzak möhletli taslamalar» kategoriýasynyň ýeňijisi.
Suratçy: Çinsiýa Kanneri (Kamil Lepaž assosiasiýasy)
«Liwingstonyň pil jadygöýleri»
Zambiýada ýerli ilaty pilleriň hüjüminden goraýan meýletinçiler topary. «Reportaž» kategoriýasynyň ýeňijisi.
Suratçy: Tommi Trençard (garaşsyz suratçy)
«Garymlaryň aňyrsynda»
Kupýanskdan gaçybatalga tapan zenan, Harkow sebitindäki Borşowka obasynda hossarlarynyň ýanynda. «Ýekelikdäki surat» kategoriýasynyň ýeňijisi.
Suratçy: Florian Bahmaýer (garaşsyz suratçy)
«Gabriel Medina Pariždäki 2024 Olimpiýa oýunlarynda»
«Ýekelikdäki surat» kategoriýasynyň ýeňijisi.
Suratçy: Žerom Bruýe (France-Presse)
«Suw basan uçuş meýdanyndaky uçar»
Braziliýadaky Salgadu Filýu Halkara howa menziline sil gelende. «Ýekelikdäki surat» kategoriýasynyň ýeňijisi.
Suratçy: Anselmo Kunýa (France-Presse)
«Braziliýanyň taryhyndaky iň güýçli suw joşgunlary»
«Reportaž» kategoriýasynyň ýeňijisi.
Suratçy: Amanda Masiel Perobelli (Reuters)
«Jaýde»
«Reportaž» kategoriýasynyň ýeňijisi.
Suratçy: Santýago Mesa (garaşsyz suratçy)
