2025-nji ýylyň mart aýynda Toyota ABŞ-da satuwlaryny 6,6% artdyrdy we jemi 196 müň 240 awtoulag satdy. Ýanwar-mart aralygynda bolsa umumy ösüş bary-ýogy 0,1% bolup, satylan awtoulaglaryň sany 487 müň 226-a ýetdi. Bu barada «Carscoops» neşiri habar berýär.
Mart aýynyň iň esasy modeli täzelenen «Tacoma» pikaby boldy. Onuň mart aýyndaky satuwy 188,2% ýokarlanyp, 23 müň 949-a ýetdi. Ilkinji çärýekde satuwy 177,5% ýokarlanyp, «Tacoma» Toyota-nyň iň meşhur üçünji modeli boldy we 21 müň 495 sany satylan «Corolla» modelinden hem öňe geçdi.
Toyota sedanalarynyň satuwy pese gaçdy. «Camry» we «Corolla» öňki ornuny ýitirdi, «Crown» bolsa 66,8% az satyldy. «Mirai» martda ýekeje alyjy hem tapmady. «GR86-nyň» satuwy 16% (1146 sany), «Supra-nyňky» bolsa 11,4% (179 sany) pese düşdi. «Prius-yň» satuwy bolsa 77,4% ýokarlandy.
«Toyota RAV4-üň» satuwy 8,4% pese gaçsa-da (41 müň 509 sany), liderligini saklady. «Camry» ikinji orunda (29 müň 666 sany), ýöne satuwy 10% azaldy. «Corolla Cross» 39,8% ösüş görkezip, gowy netije gazandy. «bZ4X» elektrik awtoulagynyň bahasy aşak düşensoň, satuwy 102,9% ýokarlanyp, 1678-e ýetdi.
«Highlander-iň» satuwy 52,1% pese gaçdy. «Sienna» miniweni bolsa 73,5% ösüş gazanyp, 9033 sany satyldy.
