Maýls Morales baradaky üçünji multfilm “Möý adam: Älemden daşary” (Человек-паук: За пределами вселенных) 2027-nji ýylyň 4-nji iýunynda kinoteatrlarda çykar. Bu barada Variety habar berýär.
“Biz bu franşizanyň töweregimizdäki köp adamlar üçin nähili wajypdygyny bilýäris. Biz ony yza taşlap bilmedik. Şonuň üçin biz ähli zadyň bolmalysy ýaly bolandygyna göz ýetirmek üçin wagt sarp etmeli bolduk” – diýip, prodýuser Fil Lord bilen režissýorlar Bob Persikettiniň we Jastin K. Tompsonyň topary aýtdy.
Ilkibaşda filmi 2024-nji ýylyň 29-njy martynda çykarmak meýilleşdirildi. Sony “Älem kerebini” (Паутина вселенных) 2018-nji ýylda birinji bölümiň premýerasyndan öň işläp başlapdy, ýöne soň ony iki filme bölmek kararyna geldi.
Ikinji multfilmde Maýls Morales we Gwen Steýsi Multiäleme düşüp, ol ýerde Möýleriň toparyna duşýar. Olara älemi goramak tabşyrylýar. Olar älemi halas etmegiň dürli çemeleşmeleri sebäpli gapma-garşylyga girýär.
Filmiň ahyrynda Maýls Möý adamyň ýok başga bir dünýäsine düşýär, onuň kakasy aradan çykýar, daýysy Aaron bolsa henizem diri. Ol özüniň zalym görnüşiniň ýesiri bolýar, onuň dostlary bolsa halas ediş işine taýýarlyk görýär.
“Älem kerebi” 690 mln dollar gazanyp, iň girdejili animasion filmleriň biri boldy. Birinji bölüm, “Älemiň üsti bilen” (Через вселенные) 384 mln dollar gazanyp, iň gowy animasion film hökmünde “Oskar” baýragyny aldy.
