ChatGPT indi ýazgy esasynda suratlary mugt döredýär

  • 02.04.2025 18:33
  • 11k+

OpenAI-yň ýolbaşçysy Sem Altman golaýda hödürlenen ChatGPT-niň surat generatorynyň (ýazgy esasynda surat döredýän emeli aň guraly) indi hemmeler üçin mugt elýeterlidigini habar berdi. Öň bu mümkinçilik diňe hyzmatyň tölegli abunaçylary üçin elýeterlidi diýip, «The Verge» neşiri habar berýär.

ChatGPT-niň şekil generatory GPT-4o modeliniň esasynda işleýär. Kompaniýanyň aýtmagyna görä, Ghibli anime studiýasynyň äheňinde suratlary gaýtadan işlemek örän meşhur bolupdyr. Emma internetde bu tehnologiýany öz şahsy bähbitleri üçin ulananlar hem bar: käbir adamlar çat-botuň sözleri we sanlary gaty gowy generirleýändiginden peýdalanyp, galp kwitansiýalary ýa-da hasap fakturalary döretmek üçin ulanypdyr.
27-nji martda OpenAI-yň hyzmaty gaty uly meşhurlyga eýe bolany üçin, kompaniýa ChatGPT-niň işleýiş tizligini çäklendirmeli boldy. Şeýle hem kompaniýanyň ýolbaşçysy mugt wersiýada her gün diňe üç gezek şekil döretmäge mümkinçilik beriljekdigini aýtdy.


23.06.2025 13:26
7.3k+

Hytaýda kung-fu hakyndaky nusgawy filmleri emeli aň tehnologiýalarynyň kömegi bilen dikeltmek isleýärler

Hytaýyň kino gaznasy we onuň hyzmatdaşlary emeli aň tehnologiýasy arkaly söweş sungaty baradaky 100 nusgawy filmi dikeltmek boýunça giň gerimli işe başladylar. Bu barada 27-nji Şanhaý halkara film festiwalynda yglan edildi diýip, Variety ýazýar...

19.06.2025 13:55
3.6k+

Instagram ulanyjylary akkauntlaryň sebäpsiz petiklenmeginden zeýrenýär

Instagram ulanyjylary eýýäm birnäçe hepde bäri akkauntlaryň açyk sebäp bolmazdan köpçülikleýin petiklenmeginden zeýrenýär. Köpler muny emeli aňa esaslanýan ulgamyň işinde bolup biljek bökdençlikler bilen baglanyşdyrýar...

19.06.2025 11:07
1.1k+

Adobe kompaniýasy Firefly-yň ähli emeli aň gurallary bilen ykjam goşundysyny çykardy

Generatiw emeli aň hyzmatlarynyň platformasy bolan Adobe Firefly indi Android we iOS smartfonlarynda elýeterli boldy. Täze ykjam goşundy tekst beýany boýunça surat we wideo döretmäge, şeýle-de suraty redaktirlemek üçin EA gurallaryny ulanmaga mümkinçilik berýär diýip, The Verge ýazýar...

17.06.2025 10:43
2k+

Oýnawaçlar “akyllanar”: “Barbi” gurjagyny döredijiler OpenAI bilen hyzmatdaşlyga başlady

Mattel kompaniýasy OpenAI bilen hyzmatdaşlyk barada habar berdi. Metbugat relizine görä, “Barbi” gurjaklaryny we beýleki meşhur oýunjaklary öndürýän kompaniýa ChatGPT dil modelini işläp düzüjiler bilen bilelikde dünýädäki çagalar  we maşgalalar üçin akylly hem interaktiw güýmenjeleri döretmek bilen meşgullanar...