Nissan kompaniýasy Renault Twingo-nyň binýadynda täze, amatly bahaly elektromobilini taýýarlaýar. Bu model 2026-njy ýylda satuwa çykarylar we kompaniýanyň iň arzan modeli bolar. Bahasy Micra we Leaf modellerinden hem arzan, ýagny 20 müň ýewrodan hem pes bolar.
Awtoulagyň işlenip düzülişinde eýýämden Renault 5-lerde ulanylyp gelinýän CMF-BEV platformasy ulanylýar. Nissan dizaýn işlerini özbaşdak alyp barýar, bu hem önümçilik prosesini çaltlaşdyrmaga, hem-de çykdajylary azaltmaga mümkinçilik berýär. Beýik Britaniýa üçin ulagyň sagdan dolandyrylýan wersiýasynyň çykarylmagy hem meýilleşdirilýär.
Bu taslama Renault-Nissan-Mitsubishi bileleşiginiň täze strategiýasynyň bir bölegi bolup durýar. Renault kiçi awtoulag platformalarynyň üstünde işlemegini dowam etdirer, Nissan bolsa orta ölçegli modeller üçin platformalary taýýarlar. Şol bir wagtda, Nissan elektrik awtoulaglar bilen baglanyşykly Ampere atly kompaniýa maýa goýmakdan ýüz öwürdi. Renault bolsa, olaryň Hindistandaky bilelikdäki kärhanasynyň gözegçilik paýlaryny satyn alýar.
