Aktýor Tom Henks ogly Çet bilen Something Out West rok topary üçin kantri-rok klipinde meşhur “Forrest Gamp” filminden sahnalary döretdiler.
"You Better Run" aýdymyna döredilen wideoda Çet Henks Gampyň keşbini alýar. Ol filmdäki köp sanly sahnalary gaýtalaýar – eli bir guty şokoladly dyzeperde oturýar, azar berjek bolanlarynda gaçýar, "Jenny" gämisinde krewetka tutýar, hatda Amerikanyň Birleşen Ştatlarynyň tutuş territoriýasyndan ylgap geçýän sahnasy hem bar. Wideonyň ortasynda onuň oturan dyzeperine kakasy gelip goşulýar.
Chet (doly ady: Çester Marlon Henks) görnükli amerikan aktýorynyň üçünji çagasy. Ol kakasynyň kesbini alyp gitdi, filmlerde surata düşdi we telewideniýede-de çykyş etdi, esasanam kakasy bilen “Greýhaund” taryhy dramasynda oýnady, ýöne diňe kiçi keşplerde. Ol sazanda we model hökmünde has gowy tanalýar.
Something Out West duetini Çet Drýu Artur bilen bilelikde esaslandyrdy. Fewral aýynda olar Big Machine Records leýbli bilen şertnama gol çekişdiler we “Leaving Hollywood” atly ilkinji singlini çykardylar.
