Disney-iň 20th Century Studios studiýasy ýyldyz aktýorlar bilen bilelikde Martin Skorsezeniň täze jenaýatçylykly trillerini çykarmakçy bolýar. Film gawaýly kriminal awtoritet baradaky hakykatda bolan waka esaslanar diýip, Variety habar berýär.
Filmde Dueýn Jonson, Leonardo DiKaprio we Emili Blant çykyş eder.
Filmiň edebi esasyny Jonson bilen bilelikde ýazjak kitabynyň esasynda žurnalist we ýazyjy Nik Bilton taýýarlar.
Bu sýužet 1960-70-nji ýyllarda Gawaýlerde iň uly jenaýat imperiýasyny döreden adamyň töwereginde aýlanýar. Ol ene topragynyň abatlygy ugrunda göreşmek bilen bir wagtda, yklym korporasiýalaryna we garşydaş sindikatlara garşy söweş alyp bardy.
"Film adamyň hakyky başdan geçiren, öň mälim bolmadyk taryhyna esaslanýar. Ol öz watanyny absolýut hökmürowanlyga barýan rehimsiz ýol bilen goramaga synanyşýar. Medeni taýdan diri galmak ugrundaky göreş garaşylmadyk ýerde – jennetde ýaýbaňlanýar" diýip, sinopsisde aýdylýar.
Filme Skorseze (Sikelia Productions), Jonson (Seven Bucks Productions), DiKaprio (Appian Way Productions), Blant (Ledbury Productions) we Bilton (True Story Productions) prodýusserlik eder. Ýerine ýetiriji prodýuserleriň içinde Deni Garsiýa (Seven Bucks Productions), Lisa Freşett (Sikelia Productions), Rik Ýorn we Kris Donnelli (LBI Entertainment) bolar.
