Aktýor Win Dizel täze “Riddik 4: Furiýa” filminden ilkinji kadrlary hödürledi. Filmiň premýerasy 2025-nji ýylyň güýzüne meýilleşdirilýär. Lentany surata düşürmek işleri geçen ýyl tamamlandy.
Film baş gahrymanyň gelip çykyşy barada gürrüň berer. Hödürlenen wideo sýužet barada giňişleýin maglumat bermeýär, diňe Dizeli adaty obrazda görkezýär. Ähtimal, doly derejeli treýler ýakynda peýda bolar.
Režissýor we ssenariçi bolup ýene-de Dewid Tui çykyş etdi. Ol muşdaklaryň kanagatlanjakdygyna ynandyrdy.
Sýužet boýunça Riddik dogduk planetasyna gaýdyp gelýär we tiredeşlerine diri galmak ugrundaky göreşde kömek edýär.
Surata düşürmek işleri Germaniýada, Ispaniýada we Beýik Britaniýada geçirildi. Sahnalaryň bir bölegi The Volume tehnologiýasynyň ulanylmagy bilen düşürildi. Ozal şeýle usuly Disney studiýasy “Mandalorly we Grogu” (Мандалорец и Грогу) we “Tor: Söýgi we ýyldyrym” (Тор: Любовь и гром) filmlerinde ulandy. Bu sebäpli filmiň býujeti seriýada iň ulusy boldy – takmynan, $120 mln.
