Opel awtoulag öndürijisi «Astra» model hataryna mehanika karobkany ýene goşdy. Indi «Astra Hatchback» we «Sports Tourer» modellerini 6 basgançakly mekanika karobka bilen satyn almak mümkin. Ýöne bu karobka diňe 1.2 Turbo (130 at güýji) benzinli hereketlendiriji bilen bilelikde hödürlenýär. Bu barada «32Cars» habar berýär.
Mehanika karobkaly «Astra» 100 km/sag tizlige 10 sekuntda ýetýär. Bu bolsa 8 basgançakly awtomatiki karobkaly görnüşinden 0,1 sekunt çaltdyr. Onuň ortaça ýangyç sarp edişi 5,4-5,7 litr/100 km bolup, awtomatiki karobkaly görnüşine garanyňda has tygşytlydyr.
Üç pedally «Astra» has arzan bahadan hödürlenýär. «Edition» toplumy bolan hetçbek görnüşinde onuň bahasy awtomatiki karobkaly görnüşinden 2750 ýewro arzan.
Şeýle hem has arzan bahaly «Business Edition» hem-de sport görnüşli «GS» wersiýalary hem müşderilere hödürlenýär.
