Xiaomi-niň baş direktory Leý Szýun sosial ulgamlarda täze Xiaomi YU7 elektrokrossoweriniň suratlaryny hödürledi. Modeliň doly derejeli tanyşdyrylyşynyň tomusda bolmagyna garaşylýar, ýöne eýýäm häzir onuň esasy aýratynlyklary belli boldy.
YU7 kompaniýanyň ikinji elektromobilidir. Ol SU7 sedanynyň stilini saklady. Awtomobiliň öň bölegi meňzeş dizaýnda ýerine ýetirildi, ol meňzeş şekilli faralar we panelden geçýän yşyklandyryş elementleri bilen üpjün edildi.
Krossoweriň üçeginde oturdylan lidar ösen sürüjilere kömek ulgamlarynyň bardygyny görkezýär. Tigirler özboluşly dizaýna eýe boldy. Dizaýnyň jemi 26 görnüşi elýeterli bolar.
Bar bolan maglumatlara görä, YU7 3000 mm tigir bazasy bilen orta ölçegli krossowerdir (4999×1996×1608 mm).
Esasy wersiýalar bir hereketlendiriji (235 kWt, 315 at güýji) we litiý-demir-fosfat batareýasy bilen enjamlaşdyryldy. Has gymmat wersiýalar doly herekete getiriji ulgama (508 kWt, 681 at güýji) we üç litiý batareýasyna eýe bolar.
Hytaýda satuw tanyşdyrylyşdan soň başlar. Garaşylýan baha – 300 000-den 400 000 ýuana çenli ($41 000 - $55 000). Ulag halkara bazaryna 2027-nji ýyldan çykyp biler.
