Nýu-Ýorkda “Prada geýen melgun” (Дьявол носит Prada) filminden sahnalaryň düşürilen öýi satlyga çykaryldy. Onuň bahasy 8,95 mln dollara barabar diýip, Mansion Global habar berýär.
Bu öý geçen ýylyň oktýabr aýynda eýýäm 8,99 mln dollar baha bilen bazara çykypdy, ýöne şol wagt alyjy tapylmady. Indi satyjylar bahany 40 müň dollar arzanlatmak kararyna geldi.
Bu öý Soho sebitinde Krosbi-stritdäki alty gatly jaýyň ikinji gatynda ýerleşýär. 2006-njy ýylyň belli filminde bu ýerde “Podium” žurnalynyň baş redaktory wezipesine dalaş eden modelýer Jeýms Holt ýaşady. Onuň keşbini Deniel Sunjata ýerine ýetirdi. Filmiň muşdaklaryna bu öý Enn Heteueýiň personažy Endiniň öz söýgülisi Kristian Tompson (Saýmon Baýker) bilen duşuşýan oturylyşyk agşamynyň sahnasy bilen bellidir.
Bina 1900-nji ýylda guruldy we ilkibaşda dükan, soňra ammar hökmünde ulanyldy. 1999-njy ýylda ol dokuz öýli ýaşaýyş jaýyna öwrüldi.
Öýüň meýdany 334,4 inedördül metr. Onda iki ýatylýan otag, iki wanna otagy, sauna, şeýle-de açyk aşhana bar. Mezonin derejesinde öý sport zaly we çakyr ýerzemini bar.
