Kaliforniýada häzirki wagtda elektrokarlara zarýad beriji beketleriň sany adaty ýangyç guýujy beketleriň sanyndan köp. 2025-nji ýylda infrastrukturany has hem giňeltmek meýilleşdirilýär.
Jemgyýetçilik zarýad beriş beketleriniň sany 178 549 boldy diýip, häkimligiň maglumatlaryna salgylanýan Car&Driver ýazýar. Ştatda ýangyç guýujy beketleriň sany, takmynan, 120 müň. Şeýle-de bolsa, zarýad beriş nokatlarynyň köpüsiniň kuwwaty pes, hemişelik tokly çalt işleýän beketleriň sany bolsa bary-ýogy 16 500.
Emma öý zarýad berijilerini goşsaň, bu aratapawut has-da açylar. Kaliforniýa Energetika Komissiýasy şeýle enjamlaryň, takmynan, 700000-siniň ştatyň öýlerinde oturdylandygyny aýtdy. Bu sebitiň berk syýasaty bilen düşündirilýär: bu ýerde zyňyndylar babatda berk kadalar hereket edýär we ýangyjyň bahasy ýokary.
Geçen ýylyň dekabrynda ştatyň hökümeti "ýaşyl" ulag üçin infrastrukturany ösdürmeklige 1,4 milliard dollar bölüp berdi. Şeýle-de bolsa, meýilnamany amala aşyrmak elektrik ulagyna geçilmegine garşy çykýan ABŞ-nyň prezidenti Donald Trampyň hereketleri bilen bagly çylşyrymlaşyp biler.
