Madridiň “Realynyň” prezidenti Florentino Peres Çempionlar ligasynyň dörtden bir finalyna çykandyklary üçin klubuň her bir oýunçysyna 250 müň ýewro möçberinde bonus töledi. Bu barada Marca ispan neşiri habar berýär.
1/8 finalda “Real” Madridiň “Atletikosyny” penalti tapgyrynda utdy. Dörtden bir finalda ýaryşyň häzirki ýeňijisi Londonyň “Arsenaly” bilen duşuşar. Birinji oýun 8-nji aprelde Londonda geçiriler.
Neşir Peresiň, adatça, kubok ýaryşlarynda gazanylan öňegidişlik üçin bonus tölemeýändigini, sebäbi ähli sylaglaryň şertnamada göz öňünde tutulýandygyny belleýär. Ýöne şu möwsümde ol toparyň Çempionlar ligasynyň täze formaty sebäpli dört oýun köp oýnandygy üçin kadadan çykmak kararyna geldi.
