New Line Cinema we Blumhouse studiýalary nusgawy “Mumiýa” filmini gaýtadan çykarmaga girişdi.
“Göze görünmeýän adam” (Человек-невидимка) we “Wulfmen” bilen bolşy ýaly, film umumy franşizanyň bir bölegi bolmaz. Tom Kruzyň gatnaşmagynda çykan “Mumiýanyň” şowsuzlygyndan soň, bu pikirden ýüz öwrüldi. Täze filmiň düşürilip başlanandygy barada meýdançadan ilkinji suraty – taslamanyň logotipi bilen numeratory görkezmek arkaly habar berildi.
Režissýor “Aýylganç ölüleriň direlmegi” (Восстание зловещих мертвецов) filmi bilen tanalýan Li Kronin boldy. Ol ujypsyz býujet bilen hakyky horrory döretmäge wada berdi. “Wulfmeniň” şowsuzlygyndan soň studiýa töwekgelçilik etmezlik kararyna geldi.
Surata düşürmek işleri Irlandiýada we Ispaniýada geçiriler. Baş keşbi irlandiýaly aktýor Jek Reýnor ýerine ýetirer. Franşizanyň öňki filmlerinde baş keşpleri ýerine ýetirijiler Brendan Freýzer we Reýçel Waýs, görnüşi ýaly, bu taslama gatnaşmasa gerek.
Sýužet barada maglumatlar gizlin saklanýar. Häzirlikçe diňe Reýnoryň adatdan daşary elhenç güýçler bilen ýüzbe-ýüz bolýan ýanýoldaşy we kakany oýnaýandygy belli.
Filmiň premýerasy 2026-njy ýylyň 17-nji apreline meýilleşdirilýär.
