Apple kompaniýasy nobatdaky Bütindünýä işläp düzüjiler konferensiýasynyň (WWDC) senesini resmi taýdan mälim etdi. Çäre 9-13-nji iýun aralygynda geçiriler we Aşgabat wagty bilen sagat 22:00-da başlar.
«WWDC» çäresi Apple kompaniýasy tarapyndan her ýyl tomusda geçirilýär. Bu konferensiýada kompaniýa operasion ulgamlarynyň täze wersiýalaryny tanyşdyrýar. Şeýle-de täze API-leri we gurallary görkezýär. Adatça, iň uly we esasy täzelikler çäräniň ilkinji gününde hödürlenýär, ýagny şol gün iOS, macOS we beýleki ulgamlaryň täze wersiýalary tanyşdyrylýar.
«WWDC 2025» konferensiýasynda nämeleriň tanyşdyrylmagyna garaşylýar:
- iOS 19 – iPhone üçin operasion ulgam;
- iPadOS 19 – iPad üçin operasion ulgam;
- macOS 16 – Mac kompýuterleri üçin operasion ulgam;
- watchOS 12 – Apple Watch akylly sagatlary üçin operasion ulgam;
- visionOS 3 – Apple Vision Pro enjamlary üçin operasion ulgam;
- Apple TV we beýleki Apple enjamlary üçin hem täze programma üpjünçilikleri.
Bu ýylky çäre oflaýn we onlaýn görnüşde geçiriler.
TMCARS ähli täzelikleri ýakyndan yzarlar we iň soňky täzelikleri siziň bilen tiz wagtda paýlaşar.
