BYD kompaniýasy 1306 at güýjüne eýe bolan «Yangwang U7» supersedanynyň uýgunlaşdyrylan asma ulgamynyň mümkinçiliklerini täsin synag bilen görkezdi. Awtoulag «emeli böwetler» diýlip atlandyrylýan ýol päsgelçilikleriniň üstünden geçýän mahaly, onuň depesinde günorta hytaýly kung-fu sungatynyň win-çun ussady bir aýagynyň üstünde otyrdy. Bu barada «CarNewsChina» neşiri habar berýär.
Synag 15 km/sag tizlikde geçirildi. Elektrokaryň ýolunda beýikligi 30, 40 we 50 millimetr bolan päsgelçilikler ýerleşdirildi. Ýoluň tekiz däldigine garamazdan, kung-fu ussady diýseň rahat durup, deňagramlylygyny saklap bildi.
BYD kompaniýasy bu sedany «dag ýaly durnukly» diýip atlandyrdy. Bu durnuklylygy 4-nji nesil Disus-Z uýgunlaşdyrylan asma ulgamy üpjün edýär. «Yangwang U7» bu ulgam bilen enjamlaşdyrylan ilkinji model bolar.
BYD ýanwarda bu asma ulgamyň işleýşini görkezipdi. Şonda ulanyjy awtoulagy uzakdan dolandyryp, üçeginde goýlan labirintdäki şary ugrukdyrýardy. Ulgam smartfonyň giroskop maglumatlaryny seljerip, awtoulagyň ýagdaýyny sazlapdy.
