Warner Bros. kompaniýasy «Mikki 17» filminiň sanly platformalarda çykjak senesini mälim etdi. Baş keşbi Robert Pattinson tarapyndan ýerine ýetirilýän fantastiki film 8-nji aprelde Amazon Prime we iTunes platformalarynda elýeterli bolar.
Şeýlelikde, Oskar baýragyny alan «Mugthorlar» (Паразиты) filminiň režissýory Pon Jun-honuň täze filmi kinoteatrlarda bir aý görkezilenden soň, internetde elýeterli bolar. Häzirki wagta çenli film bary-ýogy 100 million dollar girdeji gazandy we çykdajylaryny ödäp bilmedi. Film öz çykdajylaryny ödäp biler ýaly, azyndan 300 million dollar gazanmalydy.
«Mikki 17» geljekki döwür barada gürrüň berýär. Bu döwürde adamzat täze planetalary özleşdirmek üçin ýörite döredilen klonlardan peýdalanýar. Şol klonlaryň biri bolan Mikki täze dünýäni öwrenmäge ugradylanda, birden ýitirim bolýar. Emma onuň üçin bu ahyrky nokat däldi, sebäbi her gezek ölende, ony täzeden klonlaýarlar.
