Meşhur meksikaly režissýor Alfonso Kuaron Jeýms Bond barada täze filmiň režissýory wezipesine esasy dalaşgär hasaplanýar. Bu barada birbada birnäçe çeşme habar berýär.
Ýakynda “bondiana” üçin hukuk alan Amazon tiz wagtdan täze filmi düşürmäge başlamagy meýilleşdirýär. Ähtimal, režissýor we baş keşp üçin aktýor şu ýyl saýlanyp biler.
Ilkibaşda Amazon-yň ýolbaşçylary režissýor hökmünde Kristofer Nolany göz öňünde tutdy, ýöne ol häzirki wagtda gadymy grek eposy “Odisseýany” ekranlaşdyrmak bilen başagaý. Şonuň üçin prodýuserleriň ünsi “Grawitasiýa” (Гравитация), “Adam çagasy” (Дитя человеческое) we “Garri Potter we Azkaban ýesiri” (Гарри Поттер и узник Азкабана) ýaly filmler bilen belli bolan Kuarona gönükdirildi.
Režissýoryň özi bu gürrüňlere teswir bermeýär, ýöne maglumatlara görä, onuň Jeýms Bond baradaky geljekki filme “öz garaýşy” bar.
