Selena Gomes ýoldaşy, meşhur saz prodýuseri Benni Blanko bilen «I Said I Love You First» atly bilelikdäki täze albomlaryny köpçülige hödürledi. Albom bilen bilelikde «Younger and Hotter Than Me» aýdymy üçin ýörite klip hem çykaryldy diýip, «Variety» neşiri habar berýär.
Bu albom Selenanyň soňky bäş ýylda çykaran ilkinji albomydyr. Onda jemi 14 sany aýdym, şol sanda «Call Me When You Break Up», «Scared of Loving You» we «Sunset Blvd» ýaly aýdymlary hem bar. Bu taslamada myhman aýdymçylar hökmünde Charli XCX, Greýsi Abrams, GloRilla, Cashmere Cat we 100 gecs toparyndan Dilan Breýdi hem çykyş etdi.
Albomy ýazga geçirmek işlerine meşhur aýdymçy Billi Aýlişiň dogany we onuň bilelikdäki awtory Finneas O’Konnell hem gatnaşdy.
Selenanyň ýakyn dostlaryndan Teýlor Swift hem bu alboma uly baha berdi.
«Bu albomy şeýle bir söýdüm» — diýip, Swift Instagram sahypasynda albomyň salgysy bilen bile paýlaşdy.
