Google emeli aňa esaslanýan algoritmi ulanmak bilen, Gmail-de gözlegi täzeledi. Bu barada The Verge habar berýär. Indi gözleg netijeleri diňe bir açar sözlere we hronologiýa bagly bolmaz. Ulgam hatlaryň möhletini we kontaktlar bilen aragatnaşyk ýygylygyny hem göz öňünde tutar.
“Bu täzelenmäniň netijesinde size gerek hatlar has uly ähtimallyk bilen gözleg netijesiniň başynda peýda bolar, bu hem siziň gymmatly wagtyňyzy tygşytlap, möhüm maglumaty gözlemegi ýeňilleşdirer” – diýip, kompaniýa habar berdi.
Täze funksiýa eýýäm ähli Gmail ulanyjylar üçin elýeterli. Ol web-wersiýada we Android hem iOS-da ykjam goşundylarda işleýär. Şol bir wagtyň özünde, köne gözleg ulgamy hiç ýere ýitmez, ulanyjylar netijeleriň hronologik tertipde görkezilmegini saýlap biler.
