Stiwen Spilbergiň E.T (Инопланетянин) filminden başga planetalynyň asyl modeli aprel aýynda Sotheby’s auksionynda satylar. Bu barada The Guardian habar berýär.
Boýy 91,5 sm bolan E.T 1982-nji ýylyň “Oskar” baýragyny alan filminde ulanyldy. Onuň bahasy 600-900 müň dollar diýlip hasaplanylýar. Model ýörite effektler boýunça hudožnik Karlo Rambaldä degişlidi, ol ony häzire çenli öz kolleksiýasynda saklady. Karlo “King-Kong” we “Keseki” (Чужой) ýaly filmleriň üstünde hem işledi.
“Biz auksiona çykarylan artefaktlaryň meniň maşgalama uly duýgulary getirip, çagalygymyň jadysyny döredişi ýaly, ýakyn ýyllarda olary aýawly saklajak adamlara hem uly şatlyk getirer diýip umyt edýäris” – diýip, hudožnigiň gyzy Daniela Rambaldi aýtdy.
Model “There Are Such Things” auksionyna goşular, bu ýerde onuň bilen bir hatarda “Başga planetalydan” hem-de Dewid Linçiň “Dýuna” filminden kostýumlar, rekwizit we eskizler satylar.
Bellenilişi ýaly, modeliň daşky keşbi Albert Eýnşteýniň gözleri, Ernest Hemingueý, Karl Sendberg we Rimbaldiniň maşgalasynyň pişigi ýaly dürli çeşmelerden ylham alyp ýasalypdyr.
Rambaldi “Başga planetaly” we “Keseki” üçin iň gowy wizual effektler üçin iki “Oskara”, şeýle-de “King-Konguň” üstünde alyp baran işleri üçin “Aýratyn hyzmatlary üçin” baýragyna mynasyp boldy.
