Ýaponiýada köpden bäri garaşylýan - sakuranyň gülleýän möwsümi başlandy. Koti we Kumamoto prefekturalaryndaky agaçlarda ilkinji bäş-alty sany gunça pyntyk gülledi diýip, NHK teleýaýlymy habar berýär.
Sakuranyň güllemegi hanaminiň – güllere guwanmak däbiniň başlanandygyny buşlady.
Şol bir wagtyň özünde Tokioda entek sakuranyň güllemändigi bellenýär. Ýasukuni ybadathanasyndaky ýörite “someý ýosino” sortly agajyň paýtagtda möwsümiň başlanmagynyň görkezijisi bolup hyzmat edýär. Adatça ilkinji gunçalardan başlap, doly gülleýänçä bir hepde töweregi wagt gerek bolýar.
Sakuranyň gül açyp oturýan möwsümi uzak dowam etmeýär: açylandan birnäçe gün soň gülüniň ýapraklary dökülip başlaýar. Bu aýratynlyk her bir pursadyň gymmatyny we gysga wagtlyk gözellikden lezzet almagy başarmalydygyny nygtaýan ýapon pelsepesiniň kemala gelmegine uly täsir etdi.
