ABŞ-nyň Kaliforniýa ştatynyň Demirgazyk Golliwud sebitinde ilkinji awtonom dükan bolan VenHub işe başlady. Bu ýerde müşderilere tutuşlygyna robotlar hyzmat edýär diýip, «TechEBlog» habar berýär.
Dükanda, takmynan, 400 dürli haryt bar we dört sany sargydy beriş penjiresi arkaly birnäçe müşderä hyzmat edilýär.
Müşderiler harytlary islendik wagt saýlamak, töleg geçirmek we almak üçin öz smartfonlaryna VenHub ykjam goşundysyny ýüklemeli. VenHub kompaniýasy söwda ulgamyny özgertmegi maksat edinýär. Bu dükanda harytlaryň robotlar tarapyndan satylmagy bilen bir hatarda, ammarlar hem awtomatiki usulda dolandyrylýar.
Şeýle dükanlaryň açylmagy, bölekleýin söwdanyň täze derejesini alamatlandyrýar we adam zähmetine bolan zerurlygy peseldýär, şeýle-de müşderi hyzmatlarynyň has çalt hem netijeli bolmagyny üpjün edýär.
