Disney kompaniýasy “Güýçli reýnjerler” (Могучие рейнджеры) franşizasy boýunça täze serialyň önümçiligine girişdi. Bu barada The Wrap neşiri habar berýär. Önümçilik bilen Hasbro kompaniýasy meşgullanar. Ol franşizany täze nesil üçin başgaça hödürlemegi göz öňünde tutýar.
Disney eýýäm taslama üçin awtor tapdy – ol “Persi Jekson we Olimpiýaçylar” başdangeçirmeler serialynyň awtory Jonatan Staýnberg we Den Şots bolup biler. Şertnama heniz baglaşylmady. Häzir Disney+ we 20th Century TV olar bilen gepleşikleri alyp barýar: täze “Güýçli reýnjerler” hut bu platformalarda çykar.
“Güýçli reýnjerler” franşizasy 1990-njy ýyllardan bäri bar bolup, toparlaýyn işiň kömegi bilen dünýäni dürli zalymlardan halas edýän supergahrymanlar-reýnjerleriň topary barada gürrüň berýär. Ençeme ýyllaryň dowamynda franşiza boýunça dürli aktýorlaryň gatnaşmagynda seriallar hem multseriallar ýaly 30-dan gowrak möwsüm çykaryldy.
Şeýle-de, öň doly metražly filmleriň kömegi bilen ony täzeden çykarmaga synanyşyk edildi. Soňky film 2017-nji ýylda çykdy we 100 mln dollar býujet bilen bary-ýogy 142 mln dollar gazandy.
