Xiaomi YU7 krossoweri Hytaýyň MIIT platformasynda şahadatnama aldy we birnäçe wersiýada çykar. Modeliň iýun-iýul aýlarynda satuwa çykarylmagyna garaşylýar. Aňrybaş ýöreýiş ätiýaçlygy 770 km bolar diýip, Gizmochina habar berýär.
Krossower damja şekilli faralar, süýnmek bamper we aerodinamiki profil bilen enjamlaşdyrylandyr. Ýarym gizlin gapy tutawaçlary, çarçuwasyz aýnalar we özboluşly galo çyraly “ördek guýruk” spoýler daşky görnüşiniň üstüni ýetirýär.
YU7-niň ölçegleri 4999 × 1996 × 1608 mm, tigir bazasy 3000 mm.
Salonynda ýöreýiş ätiýaçlygyny, tizligi we nawigasiýany görkezýän goşmaça gural panelli ekrany bar. Käbir wersiýalarynda awtonom sürüşiň giňeldilen funksiýalary üçin üçekde oturdylan LiDAR ulgamy bolar. Esasy modelleri awtopilot bilen hem üpjün ediler.
YU7 bir we iki hereketlendirijili görnüşde hödürlener. Kuwwaty - 235 kWt-dan (sagatda 240 km) 508 kWt-a çenli (691 at güýji, sagatda 253 km).
Akkumulýatorlary - NMC 96,3 kWt (675-770 km) we 101,7 kWt (670-760 km). Yzky tigri hereketli wersiýa üçin LFP batareýasy bar.
Başlangyç bahasy 250 000 ýuan (takmynan 34,5 müň ABŞ dollary) bolar diýip garaşylýar.
