Ýaponiýanyň Nissan awtoulag ägirdi 2007-nji ýylda önümçiligi bes edilen Primera modelini yzyna getirmegi meýilleşdirýär. Ol elektrokara öwrüljege meňzeýär diýip, Carscoops portaly ýazýar.
Bu barada kompaniýanyň Malaýziýada Primera haryt nyşanyny bellige aldyrmak baradaky arzasy göze ilenden soň gürrüň edilip başlandy. Resminamada häzirki wagtda arzanyň tassyklanmagyna garaşýandygy aýdylýar.
Neşiriň berýän maglumatlaryna görä, täzelenen Primera Tesla Model 3, Mazda 6e we Volkswagen ID.7 ýaly modeller bilen bäsleşjek elektrik ulagyna öwrülse gerek. Täze önümi öndürmekde Nissan-yň Hytaýyň Dongfeng kompaniýasy bilen hyzmatdaşlyk etmeginiň mümkindigi gyzyklanmany has hem artdyrýar.
