Augsburg şäheriniň eteginde birnäçe gezek söküp, täze ýerde gaýtadan ýygnap bolýan House Anton II agaç jaýy hödürlendi. Bu özboluşly jaý binagärler Manfred Lýuks we Ançon Kanowas tarapyndan döredildi diýip, Design Boom habar berýär.
Jaýyň gurluşy sanly usul arkaly taýýarlanan agaç karkasda kub görnüşinde ýerine ýetirildi. Ähli elementler ýelimsiz we metal berkidijisiz arkaly birikdirildi, bu hem jaýy aňsatlyk bilen sökmäge we täze ýerde ýygnamaga mümkinçilik berýär.
Binagärler 80 santimetrlik gurluş toruny göz öňünde tutdy. Ol jaýyň uzynlygyny we beýikligini bir gatdan üç gata çenli üýtgetmäge mümkinçilik berýär. Iň ýokarky gatyň üçegi klimat aýratynlyklaryny gowulandyryp, ýaşaýyş rahatlygyny ýokarlandyrýar.
Jaý Augsburgyň golaýyndaky Zibentiş tokaýynda ýygnalan işlenilmedik dagdan agajyndan guruldy.
Jaýyň içindäki karkas saklaýyş funksiýasyny ýerine ýetirýär – ony şkaf we tekje hökmünde ulanmak bolýar. Jaýyň umumy meýdany 80 inedördül metre barabar.
