Wenera uçuryljak ilkinji hususy missiýa 2026-njy ýylyň tomsuna süýşürildi. NASA-nyň Eýms barlag merkeziniň inženerleri zonda ýylylykdan goraýjy ekranyň gurlandygyny aýtdy diýip, Space.com habar berýär.
Taslama Rocket Lab kompaniýasy tarapyndan Massaçusets tehnologiýalar institutynyň hünärmenleri bilen 2022-nji ýyldan bäri durmuşa geçirilýär. Bu missiýa bary-ýogy bäş ýarym minut dowam eder. Uçurylýan apparat zonduň güýçlendiriji blokyndan aýrylar we Weneranyň atmosferasyna girer. Onuň esasy wezipesi planetanyň bulutlaryndan organiki molekulalary gözlemek.
Apparatyň taýyn däldigi sebäpli, uçuryş eýýäm birnäçe gezek yza süýşürildi. Iň soňky gezek, 2025-nji ýylyň ýanwar aýynda inženerler uçuş penjiresini sypdyrdylar we indi 2026-njy ýylyň tomsunda meýilleşdirilýän indiki birine garaşýarlar.
Bu gezek Rocket Lab öň hiç haçan uçmadyk täze Neutron raketa-göterijini ulanmagy meýilleşdirýär. Kompaniýa ozal missiýalary synagdan geçen Elektron raketasynda ýola goýupdy.
