DC Studios-yň super gahrymanly “Seržant Rok” filminde baş keşbi Kolin Farrele bermek göz öňünde tutulýar. "Suspiriýa" filmi bilen tanalýan Luka Guadanýino taslamanyň režissýory wezipesine bellendi diýip, Deadline neşiri habar berýär.
Aslynda baş keşpde Deniel Kreýg oýnamalydy, ýöne aktýor taslamany terk etdi.
Komiksde Seržant Rok - Ikinji jahan urşunyň weterany. Wakany ekranlaşdyrmaklyga birnäçe gezek synanyşyk edildi. Ozal bu keşbe, hatda Brýus Li bilen Arnold Şwarsenegger hem dalaş edipdi.
Filmiň çykjak senesi entek yglan edilmedi. Filme Jeýms Gan (“Galaktikanyň goragçylary” (“Стражи Галактики”)) prodýuserlik eder. Edebi esasyny öň Guadanýino bilen “Dalaşgärler” (“Претенденты”) filminiň üstünde işlän Jastin Kuritskes ýazdy.
Kolin Farrell “Betmende” we “Pingwin” serialynda oýnamak bilen, DC bilen eýýäm hyzmatdaş bolupdy. Ýylyň ahyryna çenli aktýor Margo Robbiniň “Uly batyrgaý ajaýyp başdan geçirme” (“Большое смелое прекрасное приключение”) filminde surata düşer.
