“Ar alyjylar: Gizlin uruşlar” (Мстители: Секретные войны) filmi Marvel kinoäleminiň täze başlangyjy bolup biler. Muny filmiň režissýorlary Jo we Entoni Russo gytaklaýyn tassyklady.
Doganlar Russo Marvel älemine gaýdyp geldi we “Ar alyjylar: Kyýamat güni” (Мстители: Судный день) hem-de “Gizlin uruşlar” filmleriniň üstünde işleýär. Eger “Ar alyjylar 5” yza süýşürilmese, filmler bir ýyl aratapawut bilen çykar.
“Iki sany täze “Ar alyjylar” filminiň aýratynlygy, olaryň – başlangyç bolmagy. Bu täze başlangyç. Ýagny, biz hekaýatyň tamamlanandygyny gürrüň berdik. Indi biz täze hekaýata başlarys. Kim bilýär, onuň bizi nirä eltjegini. Ähtimal, ýene bäş ýyl geçer. Biz diňe hakykatdan degerli hekaýat üçin gaýdyp gelerdik” – diýip, režissýorlar Omelete bilen söhbetdeşlikde aýtdy.
Marvel Studios kynçylyk bilen ýüzbe-ýüz bolýar – tomaşaçylara köp sanly filmleri we seriallary yzarlamak kyn düşýär. “Gizlin uruşlar” söýgüli personažlary saklap, täze taslamalary elýeterli etmek bilen, kinoälemini täzeden başlap bilerdi.
Mundan başga-da, film täze X adamlaryň toparyny görkezip biler. Marvel Studios-yň ýolbaşçysy Kewin Faýgi ozal mutantlaryň “Gizlin uruşlardan” soň üns merkezinde boljakdygyny aýdypdy.
Filmiň premýerasy 2027-nji ýylyň 6-njy maýyna meýilleşdirilýär.
