FAW bilen Toyota-nyň bilelikdäki kärhanasy tarapyndan Hytaýda öndürilen Toyota RAV4-üň eýeleri ulag satyn alnandan uzak wagt geçmänkä ýüze çykýan posdan zeýrenýärler. Abatlaýyş kepilliginiň meseläni çözüp bilmeýändigi sebäpli olar toparlaýyn talap arzasyny taýýarlaýarlar.
Bu mesele, esasanam, 2020–2023-nji ýyllarda ýygnalan modellerde has ýygy duş gelýär. Pos köplenç nurbatlarda, hyrly birikmelerde, gural paneliniň karkasynda, hereketlendiriji wallarda we hatda kuzowda hem döreýär. Hytaýyň sosial ulgamlarynda bu kemçilikler barada eýýäm ýüzlerçe şikaýatlar bar.
FAW Toyota ulag eýeleriniň bu meseläni diler merkezlerinde kepillik esasynda çözüp biljekdigini aýtdy. Emma abatlaýşyň yzýany poslama ýene peýda bolýar, bu bolsa ulag eýelerini kazyýete arza ýazmaga mejbur etdi. Toyota elmydama hili bilen meşhur, ýöne şuňa meňzeş ýagdaýlar öndürijiniň abraýyna zeper ýetirýär. Ýerli metbugatyň habar bermegine görä, käbir sebitlerde RAV4-iň satuwy soňky bir ýylda 15% azaldy.
