Dünýäniň birinji raketkasy belarusly Arina Sobolenko Indian-Uellsde geçirilen abraýly WTA-1000 ýaryşynda tituly gazanyp bilmedi. Bu ýaryşyň baýrak gaznasy 8,9 mln dollardan geçýär. Finalda Sobolenko 17 ýaşly russiýaly Mirra Andreýewadan utuldy diýip, RIA Nowosti habar berýär.
Oýun 2 sagat 4 minut dowam edip, 2:6, 6:4, 6:3 hasabynda tamamlandy. Bu Sobolenkonyň Indian-Uellsde ikinji finaly we ikinji ýeňlişidir: iki ýyl mundan ozal ol gazagystanly Ýelena Rybakinadan utuldy.
Andreýewa WTA reýtinginde 9-njy orny eýeleýärdi, ýarym finalda ol Polşadan dünýäniň ikinji raketkasy Iga Swýontegi hem garaşylmadyk ýagdaýda utdy. Sobolenko ýarym finalda amerikaly Medison Kizden üstün çykdy.
Mirra Andreýewa üçin bu yzygider ikinji WTA-1000 tituly we karýerasynda ýekelikde üçünji titulydyr. Indi ol öz rekordyny täzeläp, reýtingiň 6-njy ornuna çykdy.
