Mercedes-Benz täze nesil «CLA» modelini hödürledi, bu gezek ol doly elektrik boldy. Täze model MMA platformasynyň binýadynda gurlan we iki görnüşde elýeterli: yzky tekerlerden herekete getirilýän «CLA250+» (268 at güýji) we doly herekete getirilýän «CLA350 4Matic» (349 at güýji).
800 woltlyk elektrikli ulgamy 320 kWt-a çenli çalt zarýad alşy goldaýar, 85 kWt·sag sygymly batareýasy bolsa 670 km çenli ýol ätiýaçlygyny üpjün edýär (WLTP).
Doly herekete getiriji ulgamy öňdäki elektromotor (107 at güýji) arkaly işleýär we zerur bolan halatda awtomatiki herekete gelýär.
Salony üç sany ekran bilen enjamlaşdyrylan, olara Google bilen integrirlenen täze multimediýa ulgamy hem degişli. Bu ulgam sürüjiniň emosional ýagdaýyny seljerip bilýär. Panoramaly aýna üçegi ultramelewşe şöhlelerden goraýar, brake-by-wire ulgamy bolsa pedal bilen tormozlaryň arasynda mehaniki baglanyşygyň bolmazlygyny üpjün edýär.
Geljekde 1,5 litrlik turbomotory we şäher şertlerinde işleýän 27 at güýjündäki elektrikli hereketlendirijisi bolan gibrid görnüşi hem çykarylar.
Elektrikli «CLA» 2025-nji ýylyň güýzünde satuwa çykarylar, gibrid görnüşi bolsa 2026-njy ýylda elýeterli bolar.
