Gresiýada Kristofer Nolanyň “Odisseýa” filmini surata düşürmek işleri alnyp barylýar. Ýerli OneMan neşiri aktýorlar ansamblynyň işini “yzarlap”, rollaryň nähili paýlanandygyny anyklady.
Öň mekir şa Odisseýiň keşbini Mett Deýmonyň ýerine ýetirjekdigi belli boldy.
OneMan neşiriniň maglumatlaryna görä, geljekki filmde Tom Hollanda Odisseý bilen Penelopanyň ogly Telemahyň roly berildi. Penelopanyň keşbini Enn Heteueý ýerine ýetirer. Zendaýa bolsa hudaý Afinanyň, Şarliz Teron – Sirseýanyň, Lupita Niongo – Klitemnestranyň, Benni Safdi – patyşa Agamemnonyň roluny aldy. Şeýle-de, aktýorlar düzüminde Robert Pattinson we Elliot Peýj bar, ýöne olaryň roly häzirlikçe belli däl.
Neşir Gresiýada filmiň düşürilişinden alnan suratlary hödürledi, olarda ýörite eşikleri geýen Tom Holland bilen Jon Berntaly görmek bolýar.
Film iň täze IMAX kameralary bilen düşürilýär. Lenta gadymy grek şahyry Gomeriň eposynyň ekranlaşdyrylmasy bolup, Odisseýiň Troýa söweşinden soň öýe tarap ýolda başdangeçirmeleri barada gürrüň berer.
Filmiň premýerasy 2026-njy ýylyň 17-nji iýulyna meýilleşdirilýär. Bu sene iýulyň üçünji uik-endine gabat gelýär we Nolan üçin möhümdir: “Gara rysar”, “Dýunkerk” we “Oppengeýmer” hem bu döwürde çykypdy.
