NASA we SpaceX Halkara kosmos stansiýasyna Crew-10 ekipažyny üstünlikli uçurdy. Bu missiýa amerikaly astronawtlar Butç Uilmor bilen Sunita Uilýamsy yzyna getirmäge mümkinçilik berer.
Falcon 9 raketasy Floridadaky Kennedi kosmos merkezinden uçdy. Onuň bortunda amerikaly astronawtlar Enn Makkleýn we Nikol Aýers, ýaponiýaly Takuýa Onişi we russiýaly Kirill Peskow bar. Olar HKS-de alty aý bolar.
Täze ekipaž stansiýa gelende, Uilmor, Uilýams, şeýle-de NASA-nyň astronawty Nik Heýg we russiýaly kosmonawt Aleksandr Gorbunow sentýabr aýynda Crew 9 missiýasynyň çäklerinde stansiýa bilen birleşen kapsulada Ýere gaýdyp biler.
Uilmor bilen Uilýams geçen ýylyň iýun aýynda Boeing kompaniýasynyň Starliner kapsulasynda HKS-e ugrady, ýöne hereketlendiriji näsazlygy sebäpli olaryň sekiz güne meýilleşdirilen missiýasy dokuz ýarym aýa çekdi.
Crew-10 gündogar wagty bilen şenbe güni 23:30-da stansiýa barar. Crew-9 ekipažy eýýäm 19-njy martda Ýere ugrap biler diýlip meýilleşdirilýär, ýöne köp zat Floridanyň kenarynda olaryň gämisiniň gonjak ýerindäki howa şertlerine baglydyr.
