Döwlet emlägini we käbir IT başlangyçylaryny dolandyrmak bilen meşgullanýan ABŞ-nyň Umumy hyzmatlar administrasiýasynyň (GSA) işgärleri öz işlerinde Ilon Maskyň tehnologiýasynyň esasynda döredilen GSAi çat-botuny ulanyp başlady. Ol gündelik işleri awtomatizirläp, şertnama we satyn alyş boýunça maglumatlary seljermäge kömek edýär.
Wired neşiriniň maglumatlaryna görä, çat-bot hat ýazmak, tezis döretmek, tekstleri umumylaşdyrmak we programmirlemek ýaly işleri ýerine ýetirýär.
Ulanyjylar üç modeliň arasynda saýlap biler: Claude Haiku 3.5 (deslapky), Claude Sonnet 3.5 v2 и Meta Llama 3.2.
Häzir çat-bot 1 500 işgär üçin elýeterli, ýöne geljekde onuň gerimi giňeldiler. Işe girizmezden ozal çat-bot çäkli toparda synagdan geçirildi. GSA-nyň içerki resminamalarynda federal ýa-da şahsy maglumatlar ýaly töwekgelçilikli maglumatlary girizmegiň gadagandygy bellenilýär.
Bu üýtgeşme GSA-da 1 000-den gowrak adamyň, şol sanda tehniki bölümiň 90 işgäriniň işden çykarylyp, iş orunlarynyň azaldylmagynyň esasynda peýda boldy. Çat-botuň ornaşdyrylmagy ýaly köpçülikleýin işden çykarmalar hem Ilon Maskyň ýolbaşçylygyndaky Hökümet netijeliliginiň departamenti (DOGE) tarapyndan durmuşa geçirilýän maksatnamanyň bir bölegi boldy.
Soňky hepdelerde DOGE üç ýyl bäri ýetmezçilik bilen işleýän hökümetde çykdajylary işjeň azaldýar. Işgärler bölümi hepdede bäş gün ofis işine gelip bilmeýän işgärleri işden çykarmaga iterýär.
