«Oskar» baýrakly režissýor Pon Jun-ho tarapyndan düşürilen «Mikki 17» satirik fantastiki filmi prokatynyň ilkinji 10 gününde 53 million dollar girdeji toplady diýip, «Variety» neşiri habar berýär.
Robert Pattinsonyň gatnaşmagyndaky bu film ABŞ-da 19,1 mln dollar, daşary ýurtlarda bolsa 34,2 mln dollar girdeji gazandy. Warner Bros. tarapyndan surata düşürilen bu filmiň umumy býujeti marketing bilen bilelikde, takmynan, 200 mln dollara deň boldy.
Edward Eştonyň «Mikki 7» atly romanynyň ekranlaşdyrylan görnüşi ýakyn geljekde bolup geçýän wakalary gürrüň berýär. Adamzat planetalary kolonizasiýa etmek üçin klonlary ulanýar. Şol klonlaryň biri bolan Mikki Barns ýörite missiýa ugradylyp, ýitirim bolýar. Emma ol yzyna dolanyp gelende, öz ýerine täze android görnüşindäki çalşygyň bardygyny görýär.
Filmde Mark Ruffalo, Toni Kollett, Stiwen Ýan we Naomi Aki hem çykyş edýärler.
Tankytçylar filmi gowy garşy aldylar: Rotten Tomatoes-da 78%, Metacritic-de bolsa 73 bal toplady.
