McDonald's dünýädäki 43 müň sany restoranynda emeli aň tehnologiýasyny işe girizýär. Kompaniýa neýroulgamyň kömegi bilen işi ýönekeýleşdirmegi we işgärler üçin dartgynlylygy kemeltmegi, şeýle hem müşderilere hyzmat edilişini gowulandyrmagy göz öňünde tutýar.
Amerikanyň Birleşen Ştatlarynyň käbir ýerlerinde üstünlikli synag edilen bu tehnologiýa 2025-nji ýylda has hem giňden ýaýradylar.
McDonald's-yň maglumat tehnologiýalary boýunça direktory Braýan Raýsyň sözlerine görä, EA enjamlarda näsazlygyň ýüze çykmagy we müşderiler bilen özara gatnaşyk ýaly gündelik meseleleri çözmäge kömek edip biler.
Kompýuteriň görüş ulgamy sargytlary barlamak bilen ýalňyşlyklary azaldýar, IBM bilen hyzmatdaşlykda döredilen ses tehnologiýasy sargytlaryň resmileşdirilişini çaltlaşdyrýar. Aşhanadaky datçikler ýüze çykyp biljek bökdençlikleri öňünden çaklamak bilen, enjamlary hakyky wagtda seljerýärler. EA bilen işleýän wirtual dolandyryjy çalşyklary meýilleşdirmäge kömek edýär.
Şeýle-de bolsa, taslama kynçylyklar bilen ýüzbe-ýüz bolýar: françaýzler we işgärler üýtgeşmä garşy çykyp bilerler. Seljerijiler çykdajysynyň köp boljakdygyna ünsi çekýärler we awtomatlaşdyrmagyň ýerine işgärleri taýýarlamaga maýa goýulsa gowy boljakdygyna ynanýarlar.
