Režissýor Jeýms Kemeron «Awatar» franşizasynyň üçünji bölüminiň — «Ot we kül» (Огонь и пепел) filminiň dowamlylygynyň öňki bölümlerden has uzak boljakdygyny mälim etdi.
Mundan ozal, iň uzak dowam eden film «Awatar: Suwuň ýoly» (Путь воды) bolup, ol 3 sagat 12 minut dowam edipdi.
Kemeron köp sanly pikirleriň bolandygy üçin, wakalary birnäçe bölege bölmek kararyna gelendiklerini aýtdy.
«Bizde ajaýyp pikirler diýseň köp boldy, [film] ýokary tizlikli otly ýaly öňe barýardy, emma biz gahrymanlara ýeterlik üns berip bilmändik. Şonuň üçin men: „Ýigitler, biz olary bölümlere bölmeli“ diýip aýtdym» — diýip, režissýor «Empire» neşirine beren interwýusynda aýtdy.
Üçünji filmiň sýužeti Pandoranyň rehimsiz we söweşjeň ilaty bolan «Kül halky» - Na’wi atly täze tire barada gürrüň berer.
Filmde Sem Uortington, Zoi Saldana, Sigurni Uiwer, Keýt Uinslet we beýleki ýyldyzlar surata düşdi. «Ot we kül» filminiň premýerasy 2025-nji ýylyň 19-njy dekabrynda bolar. Dördünji bölüm 2029-njy ýylda, bäşinji bölüm bolsa 2031-nji ýylda çykarylar.
