Elektromobilleriň meşhurlygy barha artýar, emma premium gatlakda bu ulaglara seresaplylyk bilen garaýarlar. Ýokary gatlak henizem içinden ýandyrylýan hereketlendirijili awtoulaglary halaýarlar. Munuň sebäbi - elektrik modelleriniň ýaýramagy bilen ýitip barýan dereje, duýgular we üýtgeşiklikdir diýip, Speedme neşiri ýazýar.
Lýuks brendleriniň arasynda diňe Rolls-Royce "Specter" modeliniň üstünligi bilen bazarda oňyn netijeleri gazandy. Şol bir wagtyň özünde Porsche "Taycan" satuwynyň peselendigini bellige alýar, Rimac bolsa Nevera-synyň ýerlemäge meýilleşdiren ähli nusgasyny satyp bilmeýär.
Çeşmäniň bellemegine görä, elektromobiller indi üýtgeşik bir zat däl, olar has elýeterli bolup barýar. Lamborghini bilen Ferrari müşderileriniň diňe bir kuwwata däl, eýsem adaty hereketlendirijili awtoulaglaryň berýän häsiýetine, sesine we üýtgeşiklik duýgusyna-da baha berýändiklerine göz ýetirip, elektrikleşmeklige seresaplylyk bilen ýakynlaşýar.
