Dördünji uikendden (hepde ahyryndan) soň «Kapitan Amerika: Ajaýyp täze dünýä» filminiň ABŞ-daky girdejisi bary-ýogy 8,5 mln dollar boldy. Filmiň umumy içerki girdejisi bolsa, 177 mln dollara ýetdi — ol bu görkeziji boýunça, Marvel-iň diňe «Ölmez-ýitmezler» (Вечные) we «Kapitan Marvel 2» filmlerinden has gowy netije görkezdi diýip, «Variety» neşiri habar berýär.
Dördünji «Kapitan Amerika» filminiň umumy girdejisi 370 mln dollar boldy. Baş keşbi Entoni Maki tarapyndan ýerine ýetirilýän filmiň girdejisi çalt pese gaçýar we 400 mln dollarlyk halas ediji sepgide ýetip bilmejek ýaly bolup dur. Sebäbi, ozal içerki çeşmeler filmiň öz çykdajylaryny ödäp bilmegi üçin azyndan şol mukdara ýetmelidigini habar beripdiler. Gyzykly tarapy, film seriýanyň öňki bölümleri bilen deňeşdirilende gowy netije gazandy, emma bu hasaplamalarda petekleriň bahalarynyň ýokarlanmagy göz öňüne tutulmady.
Analitikler filmiň pes girdejisini negatiw synlar bilen baglanyşdyrýarlar – häzirki wagtda filmleriň synlaryny jemleýän platformalarda onuň ortaça baly 10-dan 5,5. Mundan başga-da, «Ajaýyp täze dünýä» Marvel kino äleminiň taryhynda tomaşaçylardan iň pes baha alan film boldy – synçylaryň berýän görkezijisi «B-» derejesinde galdy.
