Marvel kompaniýasy «Gök gürledijiler» filminiň A24 studiýasynyň stilindäki üýtgeşik tizerini hödürledi. Wideoda indi-kompaniýanyň taslamalary bilen tanalýan aktýorlar we surata düşüriji topar görkezilýär.
Geljekki blokbasterde baş gahrymanlary Florens Pýu, Sebastýan Sten we Juliýa Lui-Dreýfus ýerine ýetirer.
Filmiň režissýory Jeýk Şreýer bolup, ssenarisini Li Sun Jin we Joanna Kalo ýazdy – bu üçüsi mundan ozal hem «Garpyşyk» (Грызня) serialynda bilelikde işleşipdiler. Operatory Endrýu Droz Palermo, montažy Harri Ýun ýerine ýetirdi, sazyny bolsa Son Lux topary döretdi. Şeýlelikde, filmde hakykatdanam A24 studiýasynyň birnäçe esasy taslamalarynda bile işleşen toparlar jemlenýär.
Filmde anti-gahrymanlardan ybarat topara hökümetiň buýrugy bilen wezipe goýulýar. Keşpleriň arasynda Gara Dul Elena Belowa, Gyş Esgeri, Baki Barns, Gyzyl Goragçy we Jon Uoker bar.
«Gök gürledijiler» filminiň bütindünýä premýerasy 2-nji maýa meýilleşdirilýär. Film Marvel kino äleminiň Bäşinji tapgyrynyň bir bölegi bolar.
