Nissan kompaniýasy täzelenen Z 2025 bilen tanyşdyrdy. Esasy üýtgeşikme GT-R R34-den tanyş bolan Bayside Blue öwüşgininiň gaýdyp gelmeginden ybarat. Tehniki häsiýetnamasy, bahasy öňküligine galdy.
Şeýle hem kompaniýa gara üçekli iki reňkdäki Pearl White Tricoat we Solid Red görnüşlerini goşdy. Palitrada Black Diamond Pearl, Stealth Gray, Brilliant Silver, Gun Metallic we Rosewood Metallic görnüşleri galdy.
Model Sport we Performance wersiýalarynda 400 at güýjüni öndürýän (475 Nm) 3,0 litrlik biturbo V6 bilen enjamlaşdyrylandyr. Nismo-yň ýokarky görnüşinde hereketlendiriji, gowulaşdyrylan wpryskyň we sowadyş ulgamynyň hasabyna 420 at güýjüni (521 Nm) öndürýär. Esasy wersiýalary 9 tizlikli awtomat ýa-da 6 tizlikli mehanika Nismo bolsa diňe awtomat bilen elýeterlidir.
Sport-uň esasy bezeg görnüşi 8 dýuýmlyk multimediýa ekrany, sanly gurallar panelini, kruiz-dolandyryşy we 18 dýuýmlyk tekerleri öz içine alýar. Performance wersiýasyna 19 dýuýmlyk süýüp ýasalan diskler, deri oturgyçlar, gyzdyryjyly aýnalar we sport pedallary girýär. Nismo kämilleşdirilen
aerodinamikany, üýtgedilen poweskany, ulaldylan tormozlary, Recaro oturgyçlaryny, şeýle hem hereketlendirijini işe girizmek we režim saýlamak üçin, üýtgeşik gyzyl düwmeleri aldy.
Bahalary:
- Sport – 42 970 dollardan başlaýar,
- Performance – 52 970 dollardan başlaýar,
- Nismo – 65 750 dollardan başlaýar.
