Italiýanyň Maserati brendi kuwwaty 1200 at güýjüne deň bolan MC20 Folgore elektrik superkarynyň taslamasyny ýatyrdy. Munuň sebäbi superkar segmentinde elektrik ulaglaryna bolan gyzyklanmanyň ýoklugy bilen bagly. Bu barada Maseratiniň Demirgazyk Ýewropadaky ýolbaşçysy Mariangela Del Wekkýo habar berdi.
Muňa derek kompaniýa V6 hereketlendirijili benzin bilen işleýän MC20 feýsliftinginde ünsi jemlär. Bu wersiýa 2025-nji ýylyň ikinji ýarymynda hödürlener.
Ilkibaşda MC20 Folgore doly elektrik önümçiligine geçmek üçin Dare Forward 2030 strategiýasynyň bir bölegi hökmünde meýilleşdirilipdi. Superkarda üç sany elektrik hereketlendirijisi we batareýa bolmalydy. Emma indi brendiň geljekde elektrikleşdiriljegi näbelli bolup galýar.
Nettuno-nyň 3,0 litrlik turbo görnüşli V6-sy bilen täzelenen MC20-nyň dizaýnynyň bamperler, faralar, içki böleginiň bezegi bilen üsti ýetiriler we podweskasynyň, tormozlarynyň ýa-da kuwwatynyň gowulaşmagy mümkin. Bu golaýda V8-e geçmeklik meýilleşdirilmeýär.
Maseratiniň karary, elektrik ulagy bazarynyň ösýändigine garamazdan, elektrik superkarlaryna bolan islegiň haýallaýandygyny görkezýär.
